Алтынньы 2 күнүгэр Дүпсүн нэһилиэгэр сылын аайы үгэскэ кубулуйбут «Көмүс күһүн күндүтэ» бырааһынньыктааҕы атыы-эргиэн дьаарбаҥката олус көхтөөхтүк буолан ааста.
Тэрээһиммитигэр нэһилиэк тэрилтэлэрэ (Врачебнай амбулатория, СХППК, «Кэскил», «Сардаҥа» уһуйаана, И.Н.Жирков аатынан Дүпсүн орто оскуолата, Н.Е.Корнилов аатынан «Дүөндү» сынньалаҥ киинэ) уонна олохтоохтор бэйэлэрин сиппит үүнүүлэрин, айылҕа мааны бэлэхтэрин уонна ураты ас арааһын аҕалан атыылаатылар.
Дьаарбаҥкаҕа маннык күрэхтэр биллэриллибиттэрэ:
🥕 «Күһүҥҥү баай остуол»
🏆 «Саамай көхтөөх тэрилтэ»
🎃 «Саамай улахан оҕуруот аһа»
🍓 «Кэнсиэрбэлэммит заготовка»
Олохтоохтор уонна ыалдьыттар бэйэ оҥорон таһаарыытын — араас оҕуруот аһын, сибиэһэй отону, барыанньалары атыылаһан үөрдүлэр.
Тэрилтэлэрбит бэйэлэрин остуолларын ураты дизайннаахтык, күһүҥҥү матырыйаалларынан киэргэтэн көрөөччү уонна жюри хараҕын үөртүлэр. Ордук чуолаан Дүпсүннээҕи врачебнай амбулатория коллектива көхтөөхтүк тэринэн кэлбиттэрин бэлиэтиир тоҕоостоох.
🏅 Түмүк:
«Күһүҥҥү баай остуол» уонна «Кэнсиэрбэлэммит заготовка» номинацияларга — «Кэскил», «Сардаҥа» уһуйаана, оттон «Саамай көхтөөх тэрилтэ» уонна «Саамай улахан оҕуруот аһа» номинациялары врачебнай амбулатория коллектива ылан үөрэн-көтөн бардылар.
Тэрээһин түмүгүнэн бастыҥ тэрилтэлэр анал грамоталарынан наҕараадаланнылар.
Дүпсүн бары олохтоохторугар баай үүнүүнү, кыстыгы этэҥҥэ туорууру уонна үлэҕэ өссө үрдүк ситиһиилэри баҕарабыт!
