МБУ ЦД "ДУОНДУ" МО "ДЮПСЮНСКИЙ НАСЛЕГ" УСТЬ- АЛДАНСКИЙ УЛУС (РАЙОН) РС (Я)

МБУ ЦД "ДУОНДУ" МО "ДЮПСЮНСКИЙ НАСЛЕГ" УСТЬ- АЛДАНСКИЙ УЛУС (РАЙОН) РС (Я)

МУНИЦИПАЛЬНОЕ БЮДЖЕТНОЕ УЧРЕЖДЕНИЕ "ДЮПСЮНСКИЙ ЦЕНТР ДОСУГА "ДУОНДУ" МУНИЦИПАЛЬНОГО ОБРАЗОВАНИЯ "ДЮПСЮНСКИЙ НАСЛЕГ" УСТЬ- АЛДАНСКИЙ УЛУС (РАЙОН) РЕСПУБЛИКИ САХА (ЯКУТИЯ)

Ыам ыйын 18 күнүгэр, Дүпсүн нэһилиэгэр Саха сирин либеральнай – демократическай интеллигенциятын бас-көс киһитэ, бөдөҥ государственнай, политическай деятель, биир дойдулаахпыт В.В.Никифоров – Күлүмнүүр төрөөбүтэ 156 сылынан кэккэ тэрээһиннэр ыытылыннылар.

Күлүмнүүр, эн албан аатыҥ күлүмнүүр
Кырдьык кыайда, аатыҥ тилиннэ, Күлүмнүүр,
Дойдуҥ тойугар эн аатыҥ күлүмнүүр.
Үлэҕин саҕалаабыт Дүпсүҥҥэр, Күлүмнүүр.
Кэриэстиир, үйэтитэр үлэ күлүмнүүр.
Ховрова Марфа Ивановна- Талбаана Сөгүлээн.

Ыам ыйын 18 күнүгэр, Дүпсүн нэһилиэгэр Саха сирин либеральнай – демократическай интеллигенциятын бас-көс киһитэ, бөдөҥ государственнай, политическай деятель, биир дойдулаахпыт В.В.Никифоров – Күлүмнүүр төрөөбүтэ 156 сылынан кэккэ тэрээһиннэр ыытылыннылар.
Бу үтүө күҥҥэ В.В. Никифоров — Күлүмнүүр аатынан оҕону эбии үөрэхтээһин технопаркатыгар, Күлүмнүүр саалатыгар үөрүүлээх быһыыга майгыга мустан, сүдү киһибит туһунан ахтан санаан, эҕэрдэ тыл эттибит, хомоҕой хоһоон аахтыбыт.
Үөрүүлээх чааһы И.Н. Жирков аатынан Дүпсүн орто оскуолатын 4 кылааһын үөрэнээччилэрэ В.В. Никифоров — Күлүмнүүр туһунан монтаж хоһоон ааҕан арыйдылар. Кылаас салайааччыта Людмила Петровна Ноговицына.
Эҕэрдэ тыл эттилэр Дүпсүн нэһилиэгин олохтоохторо — Россия суруналыыстарын сойууһун чилиэнигэр, Саха өрөспүүбүлүкэтин доруобуйатын харыстабылын туйгуна, Уус Алдан улууһун уонна Дүпсүн нэһилиэгин социальнай- экономическай салаатыгар кылаатын иһин знак хаһаайына, В.В.Никифоров – Күлүмнүүр чугас кийиитэ Агафья Ивановна Сивцева; И.Н.Жирков аатынан Дүпсүн орто оскуолатын эбии үөрэхтээһин педагога, кыраайы үөрэтэр түмэл сотруднига Протопопова Ольга Федоровна; 10 кылаас үөрэнээччитэ, «Дүпсүн кэскилэ» оҕолор түмсүүлэрин президенэ Соловьев Эрсан; Дүпсүннээҕи кыраайы үөрэтэр түмэл сотруднига Андрей Семенович Федоров.
Бу бэлиэ күҥҥэ биһиги киэн тутта ааттыыр сүдү киһибит – Василий Васильевич Никифоров – Күлүмнүүр туһунан ахтан-санаан, кини сырдык аатыгар сүгүрүйэн, төлкөтө түспүт сиригэр Нэрэлики алааска, уһаайбатыгар сылдьан ыраастааһын үлэтин ыыттыбыт.
Алгысчыт, Саха өрөспүүбүлүкэтин культуратын туйгуна, Босикова Ульяна Ильинична арыылаах алаадьынан, уохтаах кымыһынан сирин дойдутун күндүлээтэ, өҥ дьыл үүнэригэр үрдүк Айыылартан көрдөстө.
Ону тэҥэ, В.В. Никифоров — Күлүмнүүр аатынан технопарка территориятыгар көһөрүллэн кэлбит Күлүмнүүр олорон ааспыт дьиэтигэр, инникитин музей оҥорорго бэлэм үлэтин саҕалаан субуотунньук ыытылынна.
Тэрээһини салҕаан нэһилиэк библиотекатыгар, кыраайы үөрэтэр музейга — аһаҕас аан, быыстапка турбута бары нэһилиэк олохтоохторун интэриэһин тарта, кэлбит дьоҥҥо В.В. Никифоров — Күлүмнүүр олоҕуттан, үлэтиттэн брейн-ринг ыытылынна. Итинэн эрэ бүппэккэ, мантан киэһээ оҕолорго анаан остуоруйа кэпсээһинэ, «Дүөндү» сынньалаҥ киинигэр квест оонньуу ыытыллыаҕа.
Василий Васильевич Никифоров-Күлүмнүүр — саха норуотун кэскилин туһугар элбэҕи турууласпыта. Кини норуотун, дойдутун туһугар санаатын, көрүүлэрин туруулаһар, кэннинэн чугуйары билбэт хорсун, дуулаҕа санаалааҕа бука бары кэнчээри ыччакка үтүө холобур буолуоҕа, үтүө аата үйэлэргэ ааттана туруо!

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>