🌿Тэрээһин үөрүүлээх арыллыыта Саха культуратын үтүөлээх үлэһитэ, культура бэтэрээнэ, алгысчыт Ульяна Ильинична Босикова Эбэни арыылаах алаадьынан, уохтаах кымыһынан күндүлээн сири дойдуну аһатан, алгыс тылын этэринэн саҕаланна.
Сиэри — туому салҕаан, чороонноох үҥкүүнэн түһүлгэни киэргэттилэр «Далбар» үҥкүү ансаамбыла, салайааччы Алексеева Елизавета Петровна.
Нэһилиэк олохтоохторун, кыттааччылары самаан сайын кэлбитинэн эҕэрдэлээн, тэрилтэлэр икки ардыларынааҕы күрэхтэһиигэ кыттааччыларга кыайыыга кынаттыыр тыллары эттилэр Дүпсүн ветеран спортсменнара, Дүпсүн нэһилиэгин бочуоттаах олохтоохторо, спорду олох аргыһа оҥостубут ытык дьоммут _ _Алексеев Семен Николаевич, Соловьева Мария Егоровна 👏🌿
Дүпсүн нэһилиэгин спортка инструктора күрэхтэһии хаамыытын билиһиннэрбитин кэннэ, мандат оҥоһуллан, тыҥааһыннаах күрэхтэһии саҕаланна👍🏻
Уопсайа үс көрүҥҥэ бииртэн биир чаҕылхай спортсменнардаах тэрилтэлэр илин кэлин түһүстүлэр, кыайыы өрөгөйүн былдьастылар. Көлүөнэ ситимин олохтоон, тэрилтэлэргэ уонна хамаандаларга иккилии оскуола оҕолоро кыттыһан биэрэннэр күрэххэ күүрээни эптилэр, эбии күүс буоллулар.👏👏👏
Күүрээннээх киирсии кэнниттэн, икки көрүҥҥэ бастаан, биир көрүҥҥэ үһүс миэстэни ылан, уопсай түмүккэ бастакы миэстэҕэ таҕыстылар «Сардаҥа» оҕо уһуйаанын хамаандата 👏👏👏🌿
Кинилэртэн аҕыйах очконан хаалан, иккис миэстэҕэ таҕыста В.В. Никифоров — Күлүмнүүр аатынан оҕону эбии үөрэхтээһин киинин хамаандата 👏👏👏🌿
Үһүс бочуоттаах миэстэҕэ таҕыстылар Дүпсүн участковай балыһатын уонна ДьуоКХ хамаандата 👏👏🌿
Бары күрэхтэргэ кыттыбыт тэрилтэлэр хамаандаларыгар махтанабыт, инниктин ситиһиилэри баҕарабыт!👏👏👏🌿
Кыайыылаахтарга грамоталар, мэтээллэр уонна кубок үөрүүлээх быһыыга майгыга туттарылынна👏👏👏🥳🥳🥳
Тэрээһини тупсаран, сайын кэлбит амтанын биллэрэн Дүпсүн эр дьонун түмсүүтэ, Байанайдаах булчуттара бэлэх ууммут бултарынан — өрөһөлүү кус этинэн, хоргуннаах минньигэс миининэн, Дүпсүннээҕи ТХПК кыынньар быыппаҕынан кэлбит дьону күндүлүү көрүстэ.
Бүгүҥҥү тэрээһиҥҥэ Дүпсүммүт олохтоохторо бука бары сомоҕолоһон, түһүлгэҕэ тоҕуоруһа мустан, күөх сайыммытын көхтөөхтүк көрсөн, көрү — нары көҕүлүттэн туттубут.
Байанайдаах булчут уоланнарга барҕа махтал тылбытын аныыбыт!👏👍🏻
⚜️ «Дүөндү» СК коллектива
