🇷🇺🇷🇺🇷🇺Сэтинньи 4 күнүгэр Дүпсүн нэһилиэгэр «Дүөндү» сынньалаҥ киинигэр норуоттар сомоҕолоһууларын күнүнэн быстах хомуурга ыҥырыллан дойдубутун көмүскүүргэ туруммут нэһилиэкпит эр хоһууннарыгар аналлаах улахан тэрээһиннээх, дириҥ ис хоһоонноох «Сомоҕолоһуу-биһиги күүспүт уонна эрэлбит» диэн тэрилтэлэр күүстэринэн аһымал концерт буолла. Үөрүүлээх тэрээһиммитигэр улууспут баһылыга Алексей Васильевич Федотов, нэһилиэкпит баһылыга Николай Николаевич Сивцев эҕэрдэ тылларын анаатылар. Убаастабыллаах Дүпсүн нэһилиэгин бары тэрилтэлэрин салайааччылара, улэһиттэрэ, ыскалаһа сытар Бээдибит нэһилиэгин олохтоохторо, күндү көрөөччүлэрбит «Сомоҕолоһуу биһиги күүспүт уонна эрэлбит» аһымал кэнсиэргэ кэлэн кербүккүт, сэргээбиккит , бэйэҕит кылааккытын бу киэһэ киллэрбиккит иһин «Дүөндү» сынньалаҥ киинин аатыттан истиҥ махталбытын тиэрдэбит. Бүгүҥҥү кэнсиэрбитигэр 43800 солкуобай киирдэ уонна ону таһынан 25 тыһыынчаны Валентина Ивановна, Юрий Алексеевич Сивцевтар дьиэ-кэргэттэрэ биэрдилэр.👍🏼👏🏼🙌🏽✊🏼💐 Маны бука эттэхтэрэ «Биһиги кыайыыбыт түмсүүгэ!»- диэн. Бу киирбит харчыбытын быстах хомуурга барбыт уолаттарбытыгар аныыбыт. Куруутун бу курдук түмсүүлээх буолуоҕуҥ! Эһиги дьиэҕитигэр өрүү ил-эйэ эҥээрдэстин, дьол тосхойдун, быстыбат быйаҥы, уостубат уйгуну.👏🏼👏🏼👏🏼💐💐💐