МБУ ЦД "ДУОНДУ" МО "ДЮПСЮНСКИЙ НАСЛЕГ" УСТЬ- АЛДАНСКИЙ УЛУС (РАЙОН) РС (Я)

МБУ ЦД "ДУОНДУ" МО "ДЮПСЮНСКИЙ НАСЛЕГ" УСТЬ- АЛДАНСКИЙ УЛУС (РАЙОН) РС (Я)

МУНИЦИПАЛЬНОЕ БЮДЖЕТНОЕ УЧРЕЖДЕНИЕ "ДЮПСЮНСКИЙ ЦЕНТР ДОСУГА "ДУОНДУ" МУНИЦИПАЛЬНОГО ОБРАЗОВАНИЯ "ДЮПСЮНСКИЙ НАСЛЕГ" УСТЬ- АЛДАНСКИЙ УЛУС (РАЙОН) РЕСПУБЛИКИ САХА (ЯКУТИЯ)

Олунньу 4 күнүгэр «Дүөндү» сынньалаҥ киинигэр Дүпсүммүт сиригэр «Үтүө киһи — үтүө сааһа» диэн бэлиэ күн буолан ааста. Аар айыылартан айыллыбыт Мария Егоровна Соловьева 80 сааһын бэлиэтээтибит, үөрүүтүн үллэһиннибит.

Бу орто дойдуга киһи олох олороору, дьону билээри, кэрэҕэ үрдүккэ тардыһаары ,үтүө мааны киһи буолаары кэлэр. Бу хас биирдиибит үөһээттэн айыллыбыт аналбыт. Эһиги билэргит курдук ол аналын толорбут дьоллоох киһи Мария Егоровна буолар . Олоҕун 50 сылын биир идэҕэ эҥкилэ суох анааһын – бу мээнэ киһиэхэ бэриллибэт олох сэдэх көстүүтэ, дьылҕа хаан анаабыт сүдү бэлэҕэ.
Дьэ ол курдук биһиги Мария Егоровнабыт хантан хааннааҕын, кимтэн кииннээҕин кыратык кэпсиир буоллахха. 1943 сыллаахха Тэбиик нэһилиэгэр төрөөбүтэ. 50 сыл аннараа өттүгэр Дүпсүн орто оскуолатын онус кылааһын бүтэрээт, оччотооҕу Комсомол көтөҕөр патриотическай көҕүлээһиннэринэн салайтаран, Дүпсүҥҥэ дьааһыла садка иитээччинэн үлэлии тахсыбыта. 2 сыл үлэлээн баран, салгыы СГУ биолого – географическай факультетын биология салаатыгар үөрэммитэ. Үрдүк үөрэхтээх биолог учуутал кыыс 1970 сыллаахха Уус алдан Баатаҕай орто оскуолатыгар тиийэн, учуутал үлэтин саҕалаабыта. Бу кэнниттэн Найахы орто оскуолатыгар директоры үөрэх чааһыгар солбуйааччынан үлэлээбитэ. 1987 ссыллаахха үөрэммит Дүпсүнүн оскуолатыгар саха тылын уонна литературатын учууталынан үлэлээбитэ. Литературнай куруһуогу ыытыыга үлэлэһэн оолор интэриэстэрин тарпыта. 2002 сылтан биология, химия, ОБЖ предметтэрин учууталынан үлэлиир. Мария Егоровна хайыһарга ССРС спордун маастарыгар кандидат. Саха республикатын спордун маастара, Россия спордун ветерана. Республикаҕа «Физическэй культураны уонна спорду сайыннарыыга үтүөлэрин иһин» бэлиэнэн наҕараадаламмыта. РСФСР норуотун үөрэҕириитин туйгуна, «Учууталлар — учууталлара», Дүпсүн нэһилиэгин бочуоттаах гражданина. Профсоюзнай – комсомольскай кросстар хас да төгүллээх призердара, чемпионнара.

Добавить комментарий