Ааспыт сыл Саха Республикатыгар Ийэ сылынан биллэриллибитэ. Үбүлүөйдээх сыл Өрөспүүбүлүкэҕэ ураты сыл буолан ааста. Киһини, ол аата үүнэр көлүөнэни Ийэ иитэр. Биһиги тыйыс дойдуга Ийэ итии тапталынан, ытыһын сылааһынан угуттанан, күүстээх санаатынан кынаттанан, киһи-хара буолан, тыыннаах ордон кэллэхпит. Ийэ – дьиэ кэргэн тэбэр сүрэҕэ, дьиэҕэ сылаас эйгэни олохтооччу, кынат үүннэрэн көтүтээччи күндү киһибит. Ийэ дьоллоох буоллаҕына, уопсастыба эмиэ дьоллоох буолар.
Ийэ сыла уопсастыбаҕа Ийэҕэ дириҥ ытыктабылы иҥэрэр, кини уобараһын киэҥник тарҕатар уонна өссө үрдүк үктэлгэ таһаарар соруктаах. Киэҥ туттан ааттаатыбыт уонна чиэстээтибит элбэх оҕолоох нэһилиэкпит герой , бастакы, иккис истиэпэннээх ийэлэрин.
Ол кэннэ Дойду үрдүнэн Учуутал уонна Аҕа сүбэһит, Саха Өрөспүүбүлүкэтигэр Үлэ, Уус Алдан улууһугар Инфракструктура, Дүпсүн нэһилиэгэр Благоустройство сылын арыйдыбыт.
