МБУ ЦД "ДУОНДУ" МО "ДЮПСЮНСКИЙ НАСЛЕГ" УСТЬ- АЛДАНСКИЙ УЛУС (РАЙОН) РС (Я)

МБУ ЦД "ДУОНДУ" МО "ДЮПСЮНСКИЙ НАСЛЕГ" УСТЬ- АЛДАНСКИЙ УЛУС (РАЙОН) РС (Я)

МУНИЦИПАЛЬНОЕ БЮДЖЕТНОЕ УЧРЕЖДЕНИЕ "ДЮПСЮНСКИЙ ЦЕНТР ДОСУГА "ДУОНДУ" МУНИЦИПАЛЬНОГО ОБРАЗОВАНИЯ "ДЮПСЮНСКИЙ НАСЛЕГ" УСТЬ- АЛДАНСКИЙ УЛУС (РАЙОН) РЕСПУБЛИКИ САХА (ЯКУТИЯ)

🎈🚩🕊️🚩🎈🕊️🚩🎈🕊️🚩🎈🕊️🚩🎈🕊️🚩
“Сүгүрүйэбит! Киэн туттабыт! Махтанабыт”
Бүгүн Кыайыы күнэ!
Бүгүн өрөгөй күнэ!
Сүүһүнэн мөлүйүөн
Сүрэҕэ долгуйар!
🚩🚩🚩🚩🚩🚩🚩🚩🚩🚩🚩🚩🚩🚩🚩🚩

🟢Ыам ыйын 9 күнүгэр 🟢Дүпсүн нэһилиэгэр Улуу Кыайыы 78 сылын бэлиэтээн үөрүүлээх тэрээһин, сарсыарда 11 чаастан Кыайыы скверигэр буолла. “Өйдөбүнньүк уота” кытыаста умайда. Дүпсүн нэһилиэгин аҕа баһылыга Николай Николаевич Сивцев, кырдьаҕастар сэбиэттэрин бэрэссэдээтэлэ Ульяна Ильинична Босикова эҕэрдэ тылларын эттилэр. Аҕа баһылыкпыт Николай Николаевич сэрии кэмин оҕолоругар, Чечня сэриитин кыттыылаахтарыгар, СВО – ҕа сылдьар уолаттарбыт дьонноругар бэлэхтэри туттартаата.
Сэриигэ сылдьыбыт буойуттарбытын чиэстээн, кинилэр сырдык ааттарыгар сүгүрүйэн, ахтан – санаан “Минута молчания” буолла. Кыайыы пааматынньыгар венок уурулунна. Кыайыы күнүн уруйдаан музыкальнай эҕэрдэлэр дьиэрэйдилэр. Тэрээһиммит уопсай хаартыскаҕа түһүүнэн түмүктэннэ. Киэһэ 21.00 чааска Кыайыы болуоссатын памятнигар “Өйдөбүнньүк чүмэчи” уоттары ууруу акцията ыытылынна.
Биһиги дьоллоох олохпут туһугар кыа-хааннарын тоҕон, өстөөҕү Ийэ сиртэн үүрэн, аныгы олох суолун уһансан, төрөөбүт төрүт дойдуларыгар, оҕолоругар, сиэннэригэр иэстэрин төлөөн, олох суолуттан туораабыт буойуттарбытыгар Уруй-Айхал! Барҕа Махтал буолуохтун! Кинилэр ааттара хаһан да умнуллубатын! Уос номоҕо буолан көлүөнэттэн — көлүөнэҕэ бэриллэн истин!
🚩🕊️🎈🕊️🚩🎈🕊️🚩🎈🚩🕊️🎈🕊️🚩🎈🕊️

Добавить комментарий