Бүгүн муус устар 17 күнүгэр «ДҮӨНДҮ» сынньалаҥ киинигэр
«СӨПКӨ АҺААҺЫН -ЧЭБДИК ТУРУК, ЧЭГИЭН ДОРУОБУЙА, УҺУН ҮЙЭЛЭНИИ МЭКТИЭТЭ» аһаҕас кэпсэтиигэ сырыттым.Тэрээһин кыа угун уматан арчылааһынтан,алгыстаах алаадьынан айах тутууттан саҕаланна.
СӨПКӨ АҺААҺЫН ТУҺАТА — Г.А Бочкарёва кэпсээтэ,минньигэс смузи оҥорон амсатта.
«ТАР- ӨБҮГЭ АҺА. ТАР ТУҺАТА» — Р.П. Протопопова. өбүгэлэрбит былыр хайдах тары оҥостоллорун араас литератураҕа аахпытын ырытан кэпсээтэ.Өссө оскуола оҕолорун НПК кытыннарбытын сырдатта.
ТАР БИҺИГИ ДЬИЭ КЭРГЭҤҤЭ — А. Р. Свешникова тары дьиҥнээхтик амсайбытын,төрөппүттэрэ хайдах тары
оҥороллорун туһунан ахтыы оҥордо. БИЛИҤҤИ КЭМҤЭ ТАРЫ ОҤОРУУ — Соловьёва П. В. Варвара Семенова диэн научнай үлэһит ыйыытынан 3 ый устата тары дьиэтигэр хайдах оҥорбутун сиһилии кэпсээтэ.Барытын сурунан испит,тарга кутар продукталарын,үүнээйилэрин граммнаан,мээрэйдээн куппут.Ол түмүгэр дьиҥнээх тар оҥоһуллан тахсыбыт,бүгүн ону аҕалан амсатта.
Ол курдук тоҥ тары,моонньоҕонноох убаҕас тары,үөрэ оттоох бутугаһы үөрэ-көтө амсайдыбыт.Саамай дьиктиргээбитим сүөгэй уутугар итии ууну кутан буккуйбута,саахара суох эрээри минньигэс утах буолан соһутта.Биһиги сайын быырпахха,суоракка саахар бөҕөнү кутабыт дии.Онтон бу маннык истэххэ,саахара суох доруобуйаҕа туһалаах утах буолара чуолкай. Былыр өбүгэлэрбит астыыр астарын туһунан бэйэлэрин билиилэрин үллэстибиттэригэр, билиҥҥи кэмҥэ оҥоһуллубут тары амсаппыт Пелагея Васильевнаҕа, ахтыы оҥорбут Александра Романовнаҕа,сөпкө аһааһыны, өбүгэ үгэһин тарҕатааччыларга Раиса Петровнаҕа, Галина Алексеевнаҕа барҕа махтал!
Бу тэтимҥитин ыһыктыбакка өссө да сүбэлии,үөрэтэ сылдьын.
Түмүгэр Варвара Семенова таһаарбыт кинигэтэ атыыланна,хаартыскаҕа түстүбүт.
Автор статьи Анастасия Сивцева