☀️☀️☀️☀️☀️☀️☀️☀️☀️☀️☀️☀️
Саха дьонугар былыр былыргыттан Ньукуолун күнэ олус ытыктанар, улахан суолталаах, күүтүүлээх бырааһынньык. Бу күн тоһуттар тымныылаах кырыа кыһыммыт кыйданан, утуйбуту уһугуннарар, сылайбыты сылаанньытар, тоҥмуту ириэрэр, сылааһынан угуттуур күүтүүлээх күммүт, этэҥҥэ күөххэ үктэнии үөрүүтэ — өрөгөйө буолар! Бүгүн ыам ыйын 22 күнүгэр нэһилиэкпитигэр үтүө үгэскэ кубулуйбут Ньукуолуну көрсөр күн бэрт тэрээһиннээхтик, сэргэхтик буолан ааста. Үөрүүлээх тэрээһиммитин нэһилиэкпит аҕа баһылыга Николай Николаевич Сивцев эҕэрдэ тылынан, «Иэйии» ансаамбыл сайыҥҥы ырыаларынан арыйдылар. Эбиэт кэмигэр түһүлгэлээн олорон нэһилиэкпит эр хоһууннарын байанайдаах булчуттарын эмис кустарын хоргуннаах миинин олохтоох дьаһалтабыт үлэһиттэрэ оллооҥҥо буһаран, итии үүттээх чэй оргутан иһэртилэр. Кэлбит дьоммут дуоһуйа айылҕаҕа олорон сэһэргэстилэр, үөрдүлэр, сынньаннылар. Ол кэнниттэн самаан сайыны көрсө мустубут нэһилиэкпит олохтоохторо биирдиилээн күрэхтэргэ олус көхтөөхтүк кытыннылар. Ол курдук быа эргитиигэ, түү мээчик быраҕыытыгар, уҥуох суулларыыга,биэс ойбоҥҥо, кус ыраастааһыныгар күрэхтэстилэр. Самаан сайыммытын көрсөр үөрүүлээх күммүтүгэр ыҥырыыбытын ылынан «Олоҥхо» дьиэтин үлэһиттэрэ кэлэн ыһыахха алгыс сиэригэр — туомугар арыалдьыт оҕолору, буруолатар дьахталлары бэлэмнээн, киириилэрин, тахсыыларын көрдөрөн биэрдилэр.
Бүгүҥҥү үөрүүлээх күммүтүгэр, Ньукуолун күнүн көрсө ытык кырдьаҕастарбытыгар үгэс быһыытынан кус биэрбит нэһилиэкпит Баай Байанайдаах булчуттарыгар туора турбакка кыттыыны ылбыккыт иһин, хас биирдиигитигэр улахан махтал буолуохтун!
🦆Атласов Геннадий Васильевич
🦆Чемезов Алексей Семёнович
🦆 Бочкарёв Геннадий Дмитриевич
🦆Фёдоров Мичил Никифорович
🦆Прибылых Егор Петрович
🦆Дорофеев Александр Дмитриевич
🦆 Алексеев Пётр Михайлович
🦆Новгородов Николай Николаевич
🦆Соловьев Афанасий Афанасьевич
🦆Герасимов Макар Петрович
🦆 Бурцев Михаил Семёнович
🦆 Афанасьев Николай Егорович
🦆Сивцев Александр Иннокентьевич
🦆Сивцев Николай Николаевич
Баай байанайгыт куруутун арчылыы, араҥаччылыы, маанылыы, сырыттын!
