Улуу Кыайыы 80 сылыгар аналлаах нэһилиэктэр икки ардыларынааҕы комплекснай спартакиада иһинэн ыытыллыбыт хабылык уонна хаамыска күрэҕэ Күүстээх Уйбаан, Николай Тарскай төрөөн-үөскээн ааспыт Баата5ай мааны сиригэр ыытыллынна. Манна Дүпсүнтэн спортинструктор Вадим Сивцев тэрийиитинэн хамаанда хомуллан күрэххэ кытыннылар. Хамаанда састааба: Вадим Сивцев, Мария Осипова, Петрусь Осипов, Светлана Шергина, Нюргуяна Ушницкая. Күрэх ирдэбилинэн хабылык, тоҥсуурдаах хаамыска, 7лээх тоҥсуурдаах хаамыска уонна умсаах күрэ5эр улахан нэһилиэктэргэ 7 хамаанда, кыра нэһилиэккэ 5 хамаанда илин-кэлин түһүстүлэр. Тыҥааһыннаах киирсии түмүгүнэн биһиги нэьилиэктэн «Кэскил» уһуйаан музыкальнай салайааччыта Светлана Шергина 3 миэстэни, И. Н. Жирков аатынан Дүпсүн орто оскуолатын физкультураҕа учуутала Петрусь Осипов 3 миэстэни уонна «Сардаҥа» уһуйаан иитээччитэ Нюргуяна Ушницкая 3 миэстэни ылан кэллилэр. Хамаанданан түмүккэ 4 миэстэни ылары ситистилэр.
3 иһигэр киирбиттэр Тааттаҕа ыытыллар «Манчаары» күрэ5эр кыттыы иһин Дьокуускай куоракка отборочнай күрэххэ кыттыахтара.
