Барыта 8 түөлбэ кыттыыны ылла. Түөлбэлэр хамаанданан таабырын таайыытыгар, өһөс торбос, тутум маһы аннынан тахсыы, бэһирик сүүрдүү, уҥуоҕу суулларыы, кыл мээчигинэн таба табыыга уонна канат тардыһыытыгар күөн-көрүстүлэр. Тыҥааһыннаах күрэх кэнниттэн:
🥇 «Сарыал» түөлбэ🏆
🥈 «Уоттаах» түөлбэ
🥉 «Кэскил» түөлбэ
4 м.»Күлүмнүүр» түөлбэ
5 м.»Тускул» түөлбэ
6 м.»Чэчир» түөлбэ
7 м. «Алданскай» түөлбэ
8 м. «Аартык» түөлбэ буоллулар.
Кыайыылаах хамаандалар мэтээлинэн, грамотанан наҕараадаланнылар, «Сарыал» түөлбэҕэ кыайыылаах кубога туттарылынна.
Түһүмэх муҥутуур кыайыылаахтара:
«Өһөс торбос» күрэх кыайыылааҕа Николай Павлов
«Таба тап» — Мария Маркова
«Бэһирик сүүрдүү» — Вячеслав Федоров
«Уҥуоҕу табыы» — Динара Ушницкая
«Тутум маһы таһынан тахсыы» — Михаил Жирков буоллулар.
Кыайыылаахтарга «Куруку» КСК коллектива олохтообут анал бириистэрэ- балык, эт, барыанньа бэлэх туттарылынна.
Бары кыттыбыт түөлбэ спортсменнарыгар, хамаанда хомуйан кэлбит түөлбэ салайааччыларыгар махталбытын тиэрдэбит👏👏👏🤗
Өбүгэлэрбит оонньообут оонньууларын өрүү илдьэ сылдьан, ыһыктыбакка оонньуоххайыҥ. Доруобай буолуохха, үүнүөххэ сайдыахха!
