🎊Үөрүүлээх тэрээһиммит ыччаттарбыт “Өрөгөй” үҥкүүлэринэн арылынна.
🔆Саха норуотун өрөгөйдөөх бырааһынньыгар эҕэрдэ тылын эттэ олохтоох дьаһалтабыт баһылыга Николай Николаевич Сивцев уонна Дүпсүн нэһилиэгин былааҕын, дьаралыгын оҥоруутугар үлэлэспит дьоммутугар:
🔴 Уус Алдан улууһун дьаһалтатын баһылыгын үлэтин сүрүннээччи Валерий Валерьевич Рожиҥҥа,
🔴 Дүпсүн нэһилиэгин МТ дьаһалтатын баһылыгын солбуйааччыта Иван Ивановичка Фёдоровка,
🔴“Дүөндү” сынньалаҥ киинин директорыгар Айнура Абдурашитовна Стручковаҕа,
🔴“Дүөндү” сынньалаҥ киинин звукооператорыгар Захар Александрович Копыриҥҥа наҕараада туттартаата. 👏🏼👏🏼🎊
Ол кэннэ бары сүһүөхпүтүгэр туран Дүпсүн нэһилиэгин былааҕын уонна дьаралыгын көрүстүбүт. Былааҕы уонна дьаралыгы арыаллаан киирдилэр оскуола үөрэнээччилэрин “Беркут” этэрээтэ уонна Дүпсүн нэһилиэгин депутаттарын сэбиэтин солбуйар бэрэссэдээтэлэ, Уус Алдан улууһун дьаһалтатын баһылыгын үлэтин сүрүннээччи Валерий Валерьевич Рожин. Ол кэнниттэн биир дойдулаахтарбыт өрөгөй ырыатын сүһүөхтэригэр туран доргуччу ыллаатылар. Эҕэрдэ тылын эттилэр Дүпсүн нэһилиэгин былааҕын уонна дьаралыгын быһаарыытыгар, иилээн – саҕалаан үлэлэспит Уус Алдан улууһун дьаһалтатын баһылыгын үлэтин сүрүннээччи Валерий Валерьевич Рожин. Дүпсүн нэһилиэгин бочуоттаах олохтооҕо, ытык кырдьаҕаһа, тыа хаһаайыстыбатын бочуоттаах үлэһитэ Татьяна Константиновна Сивцева, Иван Николаевич Жирков аатынан Дүпсүн орто оскуолатын президена, 10 кылаас үөрэнээччитэ Александра Нестерова.
Үөрүүлээх тэрээһиммитин иилээн – саҕалаан ыыттылар Сандра Ивановна Макарова, Андрей Семенович Федоров. Кэлбит ыалдьыттары “Далбар” үҥкүүһүттэр бөлөхтөрө арыылаах алаадьынан айах туттулар, У.И.Босикова алгыстаах тылынан арчылаата. Үөрүүлээх дьоро күммүт бүттүүн өрөгөй оһуохайынан, И.Н. Жирков аатынан Дүпсүн орто оскуолатын оҕолорун флешмобунан түмүктэннэ.
Тэрээһиммит үрдүк таһымнаахтык ыытыллыбытыгар махталбытын тиэрдиэхпитин баҕарабыт күүс – көмө буолбут дьоммутугар, нэһилиэкпит бары олохтоохторугар, тэрилтэлэрбит салайааччыларыгар, общественнай түмсүүлэргэ, түөлбэлэр бары олохтоохторугар.👏🏼👏🏼👏🏼🎊🥳
Бары биир сомоҕо буолан, нэһилиэкпит дьаралыгын уонна былааҕын ылынар, бар дьоҥҥо таһаарар үөрүүлээх тэрээһинигэр көхтөөхтүк кыттан, үйэлэргэ хаалар историяҕа киирэр өйдөбүнньүк түгэҥҥэ кыттыспыппытыттан киэн туттабыт!
⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️
⚜️САХА БУОЛАН САНДААРЫН!
⚜️КИҺИ БУОЛАН КИЛБЭЙИҤ!
⚜️ӨРӨСПҮҮБҮЛҮКЭБИТ САЙДАРЫН ТУҺУГАР ⚜️ҮҮНҮӨҔҮҤ, ҮЛЭЛИЭҔИҤ!