Бүгүн олунньу 13 күнүгэр Уус Алдан улууһун уран уустарын түмсүүтэ 10 сыллаах үбүлүөйдээх быыстапкатын чэрчитинэн СКИХ «Саха сатаабата суох» быһа тахсар биэриитигэр улуус культураҕа управлениятын начальнига, «Мындыр» түмсүү салайааччыта Сергей Нафанаилов, Олоҥхо дьиэтин сүрүннүүр специалиһа, маастардары кытта быһаччы үлэлиир Матрёна Герасимова, норуот маастардара Варвара Васильева, Ольга Колодезникова, уус уран оҥоһуктар маастардара Ольга Томская, Пелагея Соловьёва кытынныбыт. Түмсүү үлэтин, дьарыгын, бу күннэргэ быыстапкаҕа турбут оҥоһуктары, маастар кылаастар тустарынан кэпсээтибит.
Маастар кылаастар олунньу 15 күнүгэр диэри күннэтэ ыытыллаллар. Онтон быыстапка олунньу 22 күнүгэр диэри туруоҕа.
Кэлэн көрүҥ, сэргээҥ, кэрэ үлэлэри кытта билсиҥ. Маастар кылаастарга үөрэнэн, билиигитин, сатабылгытын хаҥатыҥ, тускутугар туһаныҥ диэн ыҥырабыт.
