🔆🔆🔆🔆🔆🔆🔆🔆🔆🔆🔆🔆
Кулун тутар 28 күнүгэр Уус — Алдан улууһун Дүпсүн нэһилиэгэр историяҕа тиһиллэр кэрэ — бэлиэ күн буолан ааста. Ол курдук Космонавтика музейа төрүттэммитэ 50 сылын көрсө, космонавтикаҕа уонна авиацияҕа анаммыт сквергэ Саха Өрөспүүбүлүкэтин правительствотын бэрэссэдээтэлин бастакы солбуйааччыта Дмитрий Дмитриевич Садовников, ПАО «Якутскэнерго» салайааччыта Иванов П.Г., ГАУ РС(Я) «Якутлесресурс» генеральнай директора Омуков В.В., Уус -Алдан муниципальнай оройуонун баһылыга Василий Иванович Аммосов, «Дүпсүн » түмсүү салайааччыта Сергей Гаврильевич Сивцев, РРЦ «Юные якутяне» директорын солбуйааччыта Данил Иванович Жирков, Дүпсүн нэһилиэгин дьаһалтатын баһылыга Николай Николаевич Сивцев көҕүлээһиннэринэн пааматынньык быһыытынан АН — 2 көтөр аал кэлэн турда.
Көтөр аалбыт айаннаан кэлэригэр Дүпсүн нэһилиэгин дьаһалтатын тракториһа Жирков Иван, землестроитель Федоров Вячеслав уонна В.В. Никифоров — Күлүмнүүр аатынан оҕону эбии үөрэхтээһин технопаркатын уолаттара суолу көннөрөн, хаарын ыраастаан күүс — көмө буоллулар. Бу түгэни «Дүөндү» сынньалаҥ киинин үлэһиттэрэ, оскуола коллектива, нэһилиэк олохтоохторо үөрэ — көтө көрүстүлэр. Кэлбит ыалдьыттары сахалыы сиэринэн арыылаах алаадьынан күндүлээтибит. Культурабыт бэтэрээнэ, Дүпсүн нэһилиэгин бочуоттаах олохтооҕо Ульяна Ильинична Босикова арыылаах алаадьынан, саламаатынан сирин — дойдутун арчылаата.
Дүпсүн нэһилиэгин баһылыга Николай Николаевич Сивцевтэн, нэһилиэк олохтоохторун ааттарыттан бука бары көмөлүспүт дьоммутугар улахан махталбытын тиэрдэбит. Дүпсүммүт инникитин өссө даҕаны тупса, сайда, чэчирии турдун!!
