Ол курдук, күн бастакы аҥарыгар В.В.Никифоров — Күлүмнүүр аатынан оҕо технопаркатыгар «Дүпсүн түмсүүтүн» представителлэрин кытта Дүпсүн спордун бэтэрээннэрэ, тэрилтэлэр салайааччылара, нэһилиэккэ спорт сайдыытыгар бэйэлэрин дьоһун кылааттарын киллэрбит спортсменнар, кэлэр кэнчээри ыччаппыт, оскуола оҕолоро көрүстүлэр, Дүпсүн нэһилиэгэр спорт сайдыытын тула төгүрүк остуол ыытылынна.
Дүпсүнтэн төрүттээх, бас-көс киһибит, Сивцев Сергей Гаврильевич салайааччылаах делегацияҕа ДЮСШ тренера, Ыччат политикатын туйгуна, Саха сирин спордун маастара Афанасьев Станислав Егорович , Россия уопсай үөрэхтээһинин бочуоттаах үлэһитэ, физкультура уонна үөрэҕирии туйгуна, спортка инструктор Афанасьева Зинаида Егоровна, Дьокуускайдааҕы пед.колледж физкультурнай отделениетын салайааччыта, Саха өрөспүүбүлүкэтин үөрэхтээһинин туйгуна Сивцев Федор Гаврильевич, Международнай категориялаах судья, Олимпийскай резерва тренера Соловьев Петр Афанасьевич кыттыылаах, «Дүпсүн нэһилиэгэ» МТ аҕа баһылыга Сивцев Николай Николаевич ыҥырыытынан кэлэн, төгүрүк остуол тула Дүпсүн олохтоохторун кытта көрүстүлэр, нэһилиэккэ спорт сайдыытыгар туох усулуобуйа эбии көрүллүөн сөбүн, хас да сыллааҕы программа оҥоһуллуон наадатын, уһуйаан оскуола саҕаттан спортка болҕомтону ууруу туһунан элбэх тыл этилиннэ, санаа үллэстиитэ, опыт атастаһыыта олохтонно.
Спорт күнүн салҕаан, күнүскү өттүгэр, «Дүөндү» сынньалаҥ киинигэр Дүпсүн нэһилиэгин түөлбэлэрин эр дьонун икки ардыгар ХАПСАҔАЙ — 2022 күрэҕэ ыытылынна!
Ыҥырыылаах ыалдьыттарбыт, үрдүк таһымнаах ааттаах суоллаах спорт маастардара, бу күрэхтэһиигэ судьуйалааннар, нэһилиэк иһинээҕи күрэх таһыма үрдээтэ, суолтата кэҥээтэ.
Олус тыҥааһыннаах киирсиилэр, кытаанах бырахсыы кэнниттэн түмүккэ:
1 миэстэни — УОТТААХ түөлбэ: Потапов А., Иванов А., Максимов Г., Иванов А. ылары ситистилэр👏👏👏
2 миэстэни — ААРТЫК түөлбэ: Слепцов А., Алексеев Г., Сивцев И., Алексеев М. ыллылар👏👏👏
3 миэстэни — АЛДАНСКАЙ түөлбэ: Кудрин Г., Афанасьев Н., Стручков В. ыллылар👏👏👏
Кыайыылаахтарга мэтээллэр, грамоталар, ону тэҥэ күрэх судьята Афанасьев Станислав Егорович олохтообут өйдөбүнньүк бэлэхтэрэ туттарылыннылар👍🏻👍🏻👍🏻
Маны таһынан, баҕалаах дьон икки ардыгар аһаҕас АБСОЛЮТНАЙ КҮРЭХ буолла, түмүккэ Стручков Владимир Олегович утарсааччыларын бэркэ быраҕаттаан, Новгородов Петр Николаевич олохтообут анал бирииһин, электрическай духовка сүүйдэ, мэтээл кэттэ👏👍🏻
Анал ааттарга киирдэххэ:
- «БАСТЫҤ БЫРАҔЫЫ» —
Афанасьев Николай👏
Спонсор: В.В. Никифоров — Күлүмнүүр аатынан технопарка коллектива👍🏻
Павлов Николай 👏
Спонсор: Дүпсүннээҕи СХПК коллектива👍🏻
Максимов Герман 👏
Спонсор: ИП Алексеев А.А. м-н «Байдам» 👍🏻
«ТЕХНИЧНАЙ ХАПСАҔАЙДЬЫТ» —
Иванов Александр 👏
Спонсор: Дүпсүннээҕи участковай балыһа коллектива 👍🏻
Слепцов Альберт 👏
Спонсор: И.Н. Жирков аатынан уопсай үөрэхтээһин оскуола коллектива👍🏻
«ЭДЭР ХАПСАҔАЙДЬЫТ» — Потапов Александр 👏
спонсор: Дүпсүннээҕи баһаарнай чаас коллектива👍🏻
» ВЕТЕРАН ХАПСАҔАЙДЬЫТ»
Алексеев Михаил 👏
Спонсор: «Сардаҥа» оҕо уһуйаанын коллектива👍🏻
«КӨРӨӨЧЧҮЛЭР БИҺИРЭБИЛЛЭРЭ» анал аат кыайыылааҕынан таҕыста — Ушницкай Александр 👏
Спонсор: «Кэскил» оҕо уһуйаанын коллектива👍🏻
Бары кыайыылаахтары, кыттааччылары өссө төгүл эҕэрдэлиибит👏👏👏
Спорду өрө тутар, куруутун ыытыллар күрэхтэрбитин өйүүр спонсордарбытыгар улахан махталбытын тиэрдэбит!👏👍🏻👍🏻👍🏻
ЧЭГИЭН ЧЭБДИК СЫЛДЬЫАҔЫҤ, СПОРДУ ОЛОХПУТ АРГЫҺА ОҤОСТУОҔУҤ!