Үөрүүлээх тэрээһиммитигэр Баатаҕай, Чэриктэй, Эһэлээх, Найахы, Дүпсүн 2 хамаандатын эдэр ыччаттара кытыннылар.Бу бал эдэр ыччат бэйэтин улууһун сайдарын туһугар күүстээх, дьаныардаах үлэҕэ көҕүлээһин, саҥа арыйыылары, ситиһиилэри дабайарга кынат буолар. Хас биирдии нэһилиэк бэриллибит сорудаҕынан спортивнай күрэхтэһиилэргэ бэлэмнэнэн, музыкальнай номер бэлэмнээн, бырааһынныктааҕы остуолу киэргэтэн олус бэһиэлэйдик буолан ааста. Балбыт бастакы чааһа «Дүөндү» сынньалаҥ киинигэр спортивнай күрэхтэһиилэринэн саҕаланна: пулевай стрельба, дартс, саха оонньуулара: биэс ойбон, түү мээчик быраҕыы, күөрчэх ытыйыы. Ыһыылаах- хаһыылаах күрэхтээһиибит түмүгүнэн 6- миэстэни Баатаҕай, 5 — миэстэни Дүпсүн бастакы хамаандата, 4- миэстэни Эһэлээх, 3 — бочуоттаах миэстэни Найахы хамаандата, 2 — бочуоттаах миэстэни — Дүпсүн иккис хамаандата уонна дьэ 1-кы миэстэни Чэриктэй хамаандата ылары ситистилэр. Дьэ ол кэннэ балбыт иккис чааһа В.В.Никифоров — Күлүмнүүр аатынан оҕо технопаркатыгар буолла. Онно тиийэн аны викторинаҕа уонна бырааһынньыктааҕы остуол киэргэтиитигэр күрэхтэстилэр. Викторина түмүгүнэн 6-миэстэ Баатаҕай, 5 — миэстэ Эһэлээх хамаандата, 4 —
миэстэни Дүпсүн бастакы хамаандата, 3 — бочуоттаах миэстэни Найахы, 2 -с бочуоттаах миэстэни Дүпсүн иккис хамаандата уонна дьэ бу күрэххэ бастакы миэстэни ылла Чэриктэй хамаандата. Ол кэннэ бырааһынньыктааҕы остуол киэргэтиитин көрүү, сыаналааһын буолла. Хамаандалар бука бары остуолларын олус үчүгэйдик, кыраһыабайдык киэргэтэ, бэлэмнии оҕустулар. Ол түмүгүнэн, бырааһынньыктааҕы остуол киэргэтиигэ 6 — с миэстэни Эһэлээх, 5-с
миэстэни Чэриктэй, 4-с миэстэни Баатаҕай, 3-с бочуоттаах миэстэни Дүпсүн иккис хамаандата, 2-с бочуоттаах миэстэни Найахы уонна саамай кыраһыабайдык киэргэтэн 1-кы миэстэни ылла Дүпсүн бастакы хамаандата.
Дьэ ол кэннэ остуол тула олорон балбыт дьоро киэһэтэ саҕаланна.
Үөрүүлээх
тэрээһиммит Марсен Протопопов эҕэрдэ ырыатынан, Уус- Алдан улууһун ыччат политикатын специалиһа Григорий Федорович Аргунов, В.В.Никифоров — Күлүмнүүр аатынан оҕо технопаркатын салайааччыта Гаврил Гаврильевич Кудрин, Баатаҕай нэһилиэгин аҕа баһылыга Михаил Михайлович Белолюбский, Найахы нэһилиэгин аҕа баһылыга Петр Анатольевич Сивцев, Чэриктэй нэһилиэгин аҕа баһылыгын солбуйааччыта Дмитрий Иванович Ущницкий эҕэрдэ этиилэринэн арылынна. Кэрэтик киэргэтиллибит, минньигэс астаах саалаҕа эдэр дьон тоҕуоруһа мустан, сыллааҕы түбүк кэннэ, санаа үллэстэ, дуоһуйа сынньана, бэйэ — бэйэни кытары билсэ мустубуттара көрүөххэ астык. Балга кэлбит ыччаттарбыт ырыа, үҥкүү кэһиилээх кэлэннэр сэргэхситтилэр.
Тэрээһиммит саамай долгутуулаах, кэтэһиилээх түгэнэ «Король и Королева бала — 2023» номинация хаһаайыннара кимнээх буолалларын долгуйа күүттүбүт. Ол курдук куоластааһын түмүгүнэн «Королева бала — 2023» аатын ылла Найахыттан Нарыйа, «Король бала — 2023» буолла эмиэ Найахыттан Анатолий Свинобоев. Уонна дьэ балбыт уопсай түмүгүнэн, бары күрэхтэһиилэри холбоон, үөрүүлээх чааспытыгар, наҕараадабытыгар 6 -с миэстэ Баатаҕай, 5 -с
миэстэ Эһэлээх, 4 — миэстэ Дүпсүн бастакы хамаандата, 3 -с бочуоттаах миэстэ Найахы, 2 -с бочуоттаах миэстэ Дүпсүн иккис хамаандата, 1- кы миэстэни, кыайыылаах үрдүк аатын ылла Чэриктэй хамаандатын эдэр ыччата.
Бу киэһэ астына оонньоон, үҥкүүлээн, үөрэн — көтөн, эрчимнээхтик олус көхтөөхтүк бырааһынньыктааты быт.
Бука бары тэринэн кэлбит ыччаттарбытыгар, салайааччыларыгар ис сүрэхтэн махтанабыт, үлэҕит түмүгэ инникитин үтүөнү, кэрэни эрэ кэрэһэлээтин, бу курдук түмсүүлээх, барыга бары дьоҕурдаах буолуҥ, инникигэ эрэллээхтик хардыылааҥ!
✨🌟✨🌟✨🌟✨🌟
