☀️☀️☀️☀️☀️☀️☀️☀️☀️☀️☀️☀️☀️
Дүпсүн нэһилиэгэр муус устар 7 күнүгэр «Уруйдан сандал саас» кыһыҥҥы тымныы күннэри атааран, сандал сааспыт сандаарыйан кэлбитин көрсөр бырааһынньыкпыт бэрт көхтөөхтүк, сэргэхтик, элбэх дьон түмсүүлээх буолан ааста.
Сандал сааспытын көрсөр үөрүүлээх күммүтүгэр «Далбар» үҥкүүһүттэр бөлөхтөрө частушка арааһын ыллаан сэргэхситтилэр.
_Үгэс быһыытынан сылын аайы ыытыллар «Байанай — 2024» күрэхпит тэрилтэлэр икки ардыларыгар ыытылынна.Нэһилиэкпит иһигэр тэрилтэлэр үллэриллэн барыта 4 хамаанда кытыыны ылла. Дьүүллүүр сүбэ быһаарыытынан 1-кы миэстэни ыллылар МПЧ хамаандата, 2 -с миэстэ олохтоох дьаһалта, 3 — c миэстэни ыллылар «Сардаҥа» уһуйаан уонна АЗС хамаандата.
Ону таһынан тэрилтэлэр икки ардыларыгар остуол киэргэтиитэ, фотозона күрэҕэ, канат, мас тардыһыыта буолла:
1-кы миэстэни ылла ЖХК уонна амбулатория хамаандата;
2 -с миэстэ буоллулар И.Н.Жирков аатынан Дүпсүн орто оскуолатын хамаандата;
3 -c миэстэ олохтоох дьаһалта хамаандата.
Остуолбаҕа ыттыы күрэҕэр эт — хаан өттүнэн сайдыылаах, кыахтаах эр дьон остуолба үөһэ ыйаммыт ленталары туурууга күрэхтэстилэр. Бэрт кылгас бириэмэнэн Николай Афанасьев ыттан тахсан «Бадаар» маҕаһыынтан 2 тыһыынчалаах сертификаты ылар чиэскэ тигистэ.
Хас биирдии көрүҥ кыайыылаахтара эҕэрдэ суруктары туттулар, мэтээллэри кэттилэр, сертификаттарынан, ботуруоннарынан наҕараадаланнылар. «Байанай -2024» бириистэрин олохтоох дьаһалта, баһылык Сивцев Николай Николаевич олохтоото.
Киэһэ өттүгэр «Дүөндү» сынньалаҥ киинигэр «Аптаах Vibe» сахабыт сирин биир бастыҥ эдэр ырыаһыттара, Дьулустан Павлов — фокусник, иллюзионист кыттыылаах бастыҥ, ураты кэнсиэри көрөөччүлэргэ бэлэх ууннулар.
Быйылгы «Уруйдан сандал саас» бырааһынньыкпыт тэрээһиннээхтик, сэргэхтик ааһарыгар күүс — көмө буолбут дьоммутугар махтал тылларын аныыбыт. Мэлдьи бу курдук түмсүүлээх, көхтөөх буолуоҕуҥ! Нэһилиэкпит сайдарын туһугар иннин диэки биир сомоҕо буолан эрэллээхтик хардыылаан иһиэҕиҥ!
☀️☀️☀️☀️☀️☀️☀️☀️☀️☀️☀️☀️☀️
