Муус устар 13 — 14 күннэригэр Уус — Алдан улууһун Дүпсүнүгэр, «Дүөндү» сынньалаҥ киинигэр көҥүл тустууга ССРС спордун маастара, Саха АССР эдэрдэргэ,
улахан дьоҥҥо хас да төгүллээх чемпиона Александр Федорович Стрекаловскай
сырдык кэриэһигэр үөрэнээччилэр ортолоругар тустууга уонна хапсаҕайга аһаҕас турнир буола турар. Күрэххэ уопсайа 15 хамаанда, 80 оҕо күөн көрсө сылдьар ( Бурятия, Дьокуускай куорат, Чурапчы , Найахы, Мындааба, Кэптэни, Уһун — Күөл, Дүпсүн, Бороҕон, Танда, Бэйдиҥэ, Суотту).
Күрэхпит үөрүүлээх чааһыгар «Дүпсүн» нэһилиэгэ олохтоох дьаһалта баһылыга Николай Николаевич Сивцев кэлбит ыалдьыттары, күрэхтэһээччилэри нэһилиэк олохтоохторун ааттарыттан үүммүт үтүө күнүнэн эҕэрдэлээтэ. Ол кэннэ ыҥырыылаах ыалдьыттар эҕэрдэ, махтал тыллары эттилэр. (ССРС спордун маастара, Александр Федорович Киевкэ бииргэ үөрэммит, дьарыктаммыт доҕоро Михаил Васильевич Ноговицын, Уус — Алдан улууһун ДЮСШ директора Михаил Андреевич Слепцов, Саха сирин үтүөлээх тренерэ, Александр Федорович тренерэ Николай Николаевич Константинов, Александр Федорович бииргэ үөрэммит одноклассницата Зинаида Егоровна Афанасьева, күрэх главнай судьуйата Петр Афанасьевич Соловьев).
Сарсын күрэхпит салҕыыта сарсыарда 9:00 чаастан саҕаланыа.
