Хабылык, хаамыска, күөрчэх — саха норуотун биир сөбүлээн дьарыгырар остуол оонньуулара буолаллар. Бу оонньууларга норуот үйэ саас тухары мунньуммут үөрүйэхтэрэ — түргэн туттуу, имигэстик хабыы, сылбырҕа хамсаныы барыта түмүллэр.
Төрүт остуол оонньууларыгар бары түөлбэлэр күөн көрсө кэлбиттэрэ оонньуу тыҥааһыннаах, киирсиилээх буоларын эрдэттэн сэрэттэ.
Бу оонньуу спортсмен уйулҕатын ис туругуттан, кини тулууруттан, бэйэтин бэйэтэ хонтуруолланыытыттан, салайыныыттыттан тутулуктаах.
Күрэхтэһээчилэр үрдүк көрдөрүүлэрэ — чахчы да саха омугу түмэр төрүт оонньууларбыт хабылык, хаамыска, күөрчэх кэскиллээхтэрин туоһулуур. Күрэх түмүгүнэн, уопсайа 8 түөлбэттэн инники күөҥҥэ таҕыстылар:
1 миэстэ — «ЧЭЧИР» түөлбэ хамаандата👏 Галина Алексеевна Бочкарева түмэ тардан хамаандатын туруорда👍🏻👏
2 миэстэ — «УОТТААХ» түөлбэ хамаандата👏 Түөлбэ салайааччыта Алена Афанасьевна Сыроватская👍🏻👏
3 миэстэ — «КЭСКИЛ» түөлбэ хамаандата👏 Түөлбэ салайааччыта Мария Ивановна Копырина👍🏻👏
Бары түөлбэлэр оонньоон, күрэхтэһэн, сэргэхсийэн, өр кэмҥэ хааччахтаныы кэнниттэн бүгүҥҥү дьоро киэһэҕэ мустан, ахтылҕаннарын таһааран, дуоһуйан тарҕастылар👏👏👏
Тэрийээччилэр ааттарыттан махталбытын тиэрдэбит түөлбэлэрин чиэһин көмүскээбит күрэх кыттыылаахтарыгар, түөлбэ салайааччыларыгар, тэрээһин ыытыытыгар күүс- көмө буолбут дьоммутугар, «Сардаҥа» уһуйаан сэбиэдиссэйигэр Галина Алексеевна Бочкареваҕа, иитээччитигэр Ньургуйаана Петровна Молокотинаҕа🤗👏👍🏻
Санатан эттэххэ… бу ыытыллар күрэхтэр көрдөрүүлэрэ сыллааҕы түөлбэлэр икки ардыларынааҕы спартакиада түмүгэр киирэллэр🙌🏻👍🏻
Бары күүһү түмэн, сарсын Бээди бөһүөлэгэр ыытыллар
«Өбүгэ оонньууларыгар»
өссө түмсүүлээхтик кыттыаҕыҥ!🙌🏻✊🏻🤝👍🏻👏👏👏
Эҕэрдэни, махталы кытта
«Дүөндү» СК кэллэктиибэ